GDR O Salnés Asociación

Sobre Nosotros

ASOCIACIÓN GRUPO DE DESENVOLVEMENTO RURAL O SALNÉS

Historia

O GDR O Salnés é unha asociacións sen fin de lucro constituída polo conxunto de institucións públicas e entidades privadas, dos ámbitos económico, social, cultural, veciñal, medioambiental ou profesional, da Comarca de O Salnés, que desexan implicarse no programa Leader 2007-2013.

O ámbito de actuación do GDR O SALNÉS son os concellos da comarca, que son: Sanxenxo, O Grove, Meaño, Meis, Ribadumia, Cambados, Vilanova de Arousa, A Illa de Arousa e Vilagarcía de Arousa.

O GDR funciona respectando o principio de “portas abertas”, de tal modo que, tanto na súa constitución como posteriormente, admitirá a calquera entidade con implantación na comarca que desexe participar neste proxecto común e cumpra os requisitos para ser Socio.

O GDR O Salnés elaborou un programa de desenvolvemento, no que se inclúen as principais posibilidades, oportunidades e necesidades do territorio dende o punto de vista económico, dotacional e social e no que se recolle unha planificación dos proxectos que se van desenvolver no territorio no ámbito do programa Leader. Esta estratexia presentouse á convocatoria do programa Leader Galicia para o período 2007-2013 e actualmente esta a ser executado na nosa comarca.