La Comuna d'Asturies

Sobre Nosotros

Colectivu asturianu que forma parte de la CeAQUA (Coordinadora estatal d’apoyu a la Querella Arxentina contra crímenes del franquismu).

Historia

La Comuna d'Asturies ye'l colectivu asturianu que forma parte de la CeAQUA (Coordinadora estatal d'apoyu a la Querella Arxentina contra crímenes del franquismu).
Empecemos l’actividá a últimos del mes d’abril del 2013 contactando colos partíos políticos y asociaciones asturianes pa esparder el conocimientu de la Querella Arxentina y buscar apoyos a ella. Trátase de la única causa abierta contra'l franquismu en tol mundu al negar l'Estáu español esa xusticia a les víctimes.
La Comuna d'Asturies trabayó pa que s'aprobaren mociones d'apoyu nos conceyos pa condenar los crímenes del franquismu y secundar les iniciatives xudiciales entamaes n'Arxentina. Foron 19 los conceyos que de momentu se sumaron a esa moción.
La movilización, con concentraciones pa pidir la estradición de los imputaos, y la información y el debate, con conferencies y xornaes sobre la Querella Arxentina, son otros aspectos que tamién trabayamos.
Pero'l nuestru esfuerzu fundamental céntrase agora na busca de denunciantes pa que sumen los sos casos a la Querella. Yá son 43 les denuncies que promoviemos n'Asturies al través de los consulaos d'Arxentina en Madrid y Vigo, con más de 400 casos que van dende desapaecíos, presos y fusilaos cuando la Guerra Civil hasta persiguíos y torturaos nes tres últimes décades del franquismu, pasando pela persecución y los asesinatos de "fugaos" nes décades posteriores a la guerra.
Siguimos preparando más denuncies y tamos abiertos a informar a toles persones que sufrieron la represión o a los sos familiares, pa que puedan usar esta vía pa esixir la verdá, la xusticia y la reparación.

A Comuna d'Asturias é el colectivo asturiano que forma parte da CeAQUA (Coordinadora estatal d'apoyo á Querella Arxentina contra crímenes del franquismo).
Empezamos el actividá a últimos del mes d’abril del 2013 contactando cos partidos políticos y asociacióis asturianas pra estender el conocemento da Querella Arxentina y buscar apoyos a ela. Trátase del única causa aberta contra el franquismo en todo el mundo al negar el Estao español esa xusticia ás víctimas.
A Comuna d'Asturias trabayóu pra que s'aprobaran mocióis d'apoyo nos conceyos pra condenar os crímenes del franquismo y secundar as iniciativas xudiciales amañadas en Arxentina. Foron 19 os conceyos que de momento se sumaron a esa moción.
A movilización, con concentracióis pra pedir a estradición dos imputaos, y a información y el debate, con conferencias y xornadas sobre a Querella Arxentina, son outros aspectos que tamén trabayamos.
Peró el noso esforzo fundamental céntrase agora na busca de denunciantes pra que sumen os sous casos á Querella. Xa son 43 as denuncias que promovémos en Asturias a través dos consulaos d'Arxentina en Madrid y Vigo, con máis de 400 casos que van dende desaparecidos, presos y fusilaos condo a Guerra Civil hasta perseguidos y torturaos nas tres últimas décadas del franquismo, pasando polos asesinatos de "fugaos" nas décadas posteriores á guerra.
Seguimos preparando máis denuncias y tamos abertos a informar a todas as personas que sufriron a represión ou a os sous familiares, pra que podan usar esta vía pra esixir a verdá, a xusticia y a reparación.