Museo do Pobo Galego

Sobre Nosotros

MUSEO DO POBO GALEGO

Historia

A EXPOSICIÓN PERMANENTE

O Museo conta con salas permanentes dedicadas ao mar, aos oficios, ao campo, ao traxe, á música, ao hábitat e a arquitectura, á sociedade e á prensa e a imprenta. Dispón tamén de seccións de arqueoloxía e de arte. O criterio seguido na súa montaxe pretende conxugar nunha visión de síntese as distintas facetas que definen a cultura de Galicia. Lonxe de encerrar no ámbito físico do museo todo o complexo fenómeno cultural, téntase proporcionar un compendio da diversidade de Galicia, que sirva como referencia para a valoración das distintas manifestacións dentro do conxunto e para impulsar o interese polo coñecemento directo e a procura de alternativas de futuro para a tradición.

"O Museo do Pobo Galego está instalado no antigo convento de San Domingos de Bonaval. Metodoloxicamente, o Museo adscríbese ao campo da antropoloxía social e cultural, que pola súa propia natureza se incardina con outras disciplinas co propósito de integrar no proxecto global as manifestacións da cultura de Galicia nas respectivas áreas.As actividades da institución teñen tres vertentes fundamentais: as salas permanentes, as exposicións temporais e a labor de difusión a través da Educación e a Acción Cultural. E todas teñen na investigación unha ferramenta principal."