Vandergoes

Sobre Nosotros

Escola de Artes & Tenda .

Historia

VANDERGOES é un espazo dedicado á exposición, promoción e venda de pezas de arte contemporáneo con especial énfase na obra de artistas emerxentes vinculados á comarca de Lemos. Pero tamén é un lugar para o ensino de artes plásticas como debuxo, pintura, gravado, escultura e fotografía, ofrecendo deste xeito unha formación integral no terreo artístico.

VANDERGOES é un punto de encontro entre a arte e o seu público, un lugar onde caben todo tipo de persoas, desde artistas consagrados aos que se queren aproximar por vez primeira ao mundo da creación, xa que se desenvolverán diversas actividades adaptadas ás esixencias de cada persoa.

Actividades e servizos:

- Promoción, exposición e xestión de vendas de arte contemporáneo.
- Talleres intensivos sobre distintas técnicas e disciplinas impartidos por especialistas.
- Cursos de longa duración encamiñados a profundar e perfeccionar técnicas e procedimientos artísticos.
- Actividades infantís orientadas a entreter de forma didáctica aos mais pequenos, tanto durante o período estival como ao longo do curso escolar.
- Aluguer de talleres para a creación artística.

VANDERGOES sitúase no centro histórico de Monforte de Lemos nun espazo de uns 100 metros cadrados que permitirán desenvolver todas estas actividades comodamente. Ofrecemos descontos e promoción especiais de maneira que o custo non sexa un problema, como tamén somos flexibles nos horarios permitindo que organices o teu propio plan de cursos.