Agadea Alzheimer

Sobre Nosotros

Asociación Galega para a Axuda dos Enfermos con Demencia tipo Alzheimer

Historia

AGADEA é unha asociación sen ánimo de lucro, constituída en 1994 por un grupo de familiares de enfermos de Alzheimer para buscar respostas, compromisos, apoios e recursos necesarios para coidar mellor e con menos dificultades aos seus enfermos.

Misión

AGADEA ten os seguintes fins:

-Prestar asistencia psicolóxica e moral aos familiares dos enfermos de Alzheimer e
outras demencias similares.

- Asesorar aos familiares dos enfermos de Alzheimer e outras demencias, en materias legais, sociolóxicas e económicas.

- Proporcionar e difundir nos medios de comunicación todo o que faga referencia ao posible diagnóstico da enfermidade e terapia da mesma, o obxecto de facilitar a asistencia adecuada.

- Facilitar, mellorar e controlar a asistencia aos enfermos para mellorar a súa calidade de vida o máximo posible.

-Estimular os estudos sobre a incidencia, evolución terapéutica e posible etioloxía da enfermidade.

-Instar aos diversos estamentos públicos a prestar unha maior atención aos enfermos de Alzheimer a aos seus coidadores e familiares

-Manter os contactos adecuados con entidades e asociacións adicadas o estudo da enfermidade, dentro e fora de España, co propósito de estar o día nos avances científicos que se produzan nesta materia, e así poder informar aos familiares dos enfermos.